原定 o係 2009 年既聖誕假期去影我地既第二輯婚紗相 , 點知因為天氣差而要改期 , 最後改到 2010 年既 1 月頭先上去 ~~
第二輯既婚紗相 , 我地揀左去廣州既百萬葵園同埋石門森林國家公園 ~~ 一連影兩日 ....
第一日我地先去百萬葵園 , 當天既天氣都唔算好 , 天陰陰咁 ..... 而且天氣只係 11-12 度 ..... 哈哈 , 又係咁鬼死凍 ~~
可能係平日既關係 , 成個百萬葵園除左工作人員之外 , 就只得我地幾個 .....
首先影左 d 唔知叫咩既花 , 就叫做黃色小花啦 ~~
跟住就係粉紅小花 , 又係唔知叫咩花 .... 哈哈 ~~
跟住影既花係太陽花 ~~
七彩花田 , 原本諗住走入去影架 , 點知俾工作人員發現左趕返我地出黎 ... 真係可惜呀 !!
唔知點解 , 我係好鍾意一條路側邊兩邊都有樹既感覺 , 我一見到就即刻要攝影師幫我影 , 最難得係成條路都無人 ~~~ 影完呢張連攝影師自己都話估唔到個感覺都幾好喎 ~~ 哈哈 ~~
沒有留言:
發佈留言