婚後第一次煮飯仔

放左成個幾月假 , 今日終於要返工啦 ~~~ 好唔捨得呀 !!!!

不過好彩今日只係返去食開年飯 , 食完飯就走得 ~~~ yeah ~~~

老公話今日好想食煮家飯 , 見早放所以就走左去買餸 , 不過唔係返屋企煮 , 因為屋企咩都未有 , 所以只係去左男家到煮飯仔 .....

老公叫我幫佢影相喎 ~~ 其實成餐飯佢只係負責煎呢隻蛋 ~~~~ 扮曬野 !!! 哈哈 ~~

 

第一次煮蕃茄牛肉蛋 , 好彩都唔錯啫 ~~~ 呵呵 ~~ 仲有我既拿手薑蔥雞翼加咸蛋節瓜湯 ~~~~

結婚一個月 + 年三十晚

唔經唔覺原來都結左婚一個月啦 ~~ 因為之前提早慶祝左 , 所以今日無去慶祝 lu ~~~

今日係年三十晚 , 去完大姑丈屋企做完節都無周圍去到 , 就即刻返屋企做一樣好重要既野 !!!

就係封利是啦 , 哈哈 ~~~

今年係第一年派利是 , 唔知會有咩感覺呢 ??

朋友們 , 你地想逗我地封利是就要快手 D 啦 , 派完即止架 !! 呵呵 ~~~