四餸飯~~

老公下個月又開始返夜啦 , 所以決定煮一餐四個餸既飯俾佢食啦 , 特登煮多 d 兩個聽日都可以帶飯食 ..... 今餐只係用左 $70 , 即係每人 $35 兩餐 .... 又幾抵喎 ~~~

今日煮左火腿炒蛋 , 炒西蘭花 , 薑蔥 "mok" 皮魚同埋蝦醬雞翼 ......

 

由於老公尋日煮完飯將把刀倒轉左放 , 攪到我今日界到自己隻手一下 .... 痛死我啦 ~~~~

劉生私房菜

老公今日無啦啦話由佢負責煮飯喎 , 咁就由佢發辦啦 !!!

最後佢煮左煎雞翼 , 蕃茄牛肉蛋同埋腐乳生菜 .... 老公佢仲特登煮多 d 等我聽日有得帶飯返公司叮 , thank you 老公 ~~~

 

但當我食完呢餐飯入到廚房準備洗碗時先發覺原來老公佢頭先打完仗黎囉 ..... 哈哈 ~~~

金菇肥牛 + 芝士牛油焗帶子

平日又唔煮飯 , 要等到星期六先黎玩煮飯仔 .... 無法啦 , 平日咁鬼死忙 .... 老公今日又話唔想出去食喎 ~~~

今日又黎新嘗試 .... 金菇肥牛同芝士牛油焗帶子 , 再加埋個現成既蕃茄湯 .....

 

金菇肥牛 ~~~

 

第一次用個焗爐 .... 芝士牛油焗帶子 , 由於 d 金菇有淨 , 所以落埋落去一齊焗 , 估唔到最後係呢 d 金菇最好味 ~~~~ 可惜 d 芝士咁快 "窿" ....

 

最後加埋老公尋日返去奶奶到食完飯拎返黎既蕃茄湯 ..... 兩餸一湯 .... 唔錯既一餐 ~~

Our Pre-Wedding Photo (M-T Studio - 石門森林公園 - Part 2)

石門真係好多人 , 去到每一個地方都可以多人到呢 ~~~~ 所以好多時個攝影師都求其咁搵 D 位黎影 ~~~

 

著左件長拖尾影左咁多相 , 又係時候要換衫換髮型 ..... 不過今次無廁所俾我地換 , 只係著左第二件時就除左裏面 o個 件 , 好彩個化妝師熟曬手 ..... 如果唔係實走曬光 ~~~

 

影到咁上下時 , 就繼續坐車上山 ..... 坐到一半時 , 攝影師無啦啦叫我地落車 , 佢話呢到個地好多紅葉 , 瞓 o係 到影會幾靚喎 ~~~ 唔好睇我地瞓得好舒服咁呀 , 其實 o個 到係斜落去架~~~~

 

影完一大輪又繼續坐車上山去油菜花田 ..... 上到山頂完全係我既惡夢既開始 !!!

係咪好似仙景呢 ???? 好多霧 , 真係好似世外桃園咁 ~~~~

 

講到咁靚 , 又點解話係惡夢呢 ???? 皆因呢到只係得 1-2 度 ........ 凍到我抽曬筋 ....... 完全係挑戰緊我自己既極限呀 !!!!

Our Pre-Wedding Photo (M-T Studio - 石門森林公園 - Part 1)

第二輯既婚紗相 , 除左去百萬葵園之外 , 我地仲揀左石門森林公園 .....

好開頭既時候 , 去石門影紅葉係我既主打 ...... 點解會話好開頭時 ???? 因為之後 o個 輯反而係最靚 ..... 遲 d 先再放 o個 輯上黎啦 ~~

而家就放左石門既婚紗相先啦 ~~

一去到就見到個湖啦 ~~ o個 到好多人都係影婚紗相 ..... 好彩攝影師好快搵到個無人既位同我地影相 .....

好長拖尾既婚紗 .... 影出黎又真係幾靚 , 不過好老實咁講 .... 件婚紗係超重囉 !!!

 

嘩 ... 超多紅葉 ~~~~~

 

未興奮完 , 再行上少少既時候 , 仲見到梅花呢 ~~~~

Our Pre-wedding Photo (M-T Studio - 百萬葵園 - Part 2)

呢排真係好忙 , 成日都唔得閒 .... 見而家有 D 時間就還下 BLOG 債先 ~~~~

呢間小屋睇落無咩特別 ...

 

但原來佢既側邊係粉紅色架 ~~~

 

影到呢到 , 我地就入左去間小屋褢面換衫換髮型 ..... 出到黎時個天都開始落雨 , 攝影師話等停雨先再影 , 但等左好耐都唔停雨 , 攝影師唯有叫我地繼續影 .... 好彩只係雨粉仔咋~~~

 

終於都去影我最想影既薰衣草啦 ~~~

 

接住換套紫色晚裝繼續影 , 呢套晚裝前排 o係 百利都見到有得租 ....

 

呢兩張風車我都好鍾意 , 揀左好耐都唔知用邊張做畫架好 , 最後揀左下面呢張 ~~~

 

百萬葵園就影到呢到啦 .... 跟住要放既就係石門森林公園 ...... 但我諗都可能要等下先啦 !!