永遠都唔會忘記一年前既今日 ...
一年前你為我戴上它 , 不經不覺已有一年 !!!
2010年6月18日星期五
2010年6月16日星期三
1st fitting @ janny wong
今日係我期待左成個月既 1st fitting 呀 !!! 同行既當然有未來老公啦 , 緊係要有佢 o係 到啦 , 佢要負責俾錢架麻 .... 所以點可以無左佢呢 , 呵呵 ~~~ 仲有既就係同我品味差唔多既 nephy , 仲有就係岩岩由美國返黎既 jennifer .....
約左 janny 2:00pm - 4:00pm 試衫 .... janny 除左俾我試我之前 mark 低左既衫 , 佢仲俾我試左好多其他款既衫 , 當然仲有佢 d 新衫啦 , 真係多到都唔記得試左幾多件啦 !!!
試衫試到 d 衫名都唔記得曬 !!! 試到咁多靚衫真係好開心呢 !!!
我 join 既 package 係 1婚紗 + 3 晚裝 + 1伴娘裙 ... 其實原本係得 2 晚裝架 , 不過未來老公覺得 d 男裝麻麻地 , 所以我就轉埋晚裝 !!!
好啦 , 首先講下婚紗先啦 !!! (講明先呀 , 有 d 名真係唔記得左架 !!! 所以只係打我記得既 ~~)
1.) 英國公主小天使第 10 版 : 聽個名都覺得好可愛啦 , 有我最鍾意既水晶袖 , 同埋後面有個蝴蝶結 , 70" 拖尾 ... 呢個長度既拖尾係我最鍾意既 ~~
2.) 英國公主第 12 版 : 上身超級多水晶 , 奪目閃耀 .... 一行出去時 , 佢地三個都講 : 嘩 , 好閃呀 !!! 我就係要呢種感覺 , 不過可惜唔係咁鍾意下半身 !!!
跟住 janny 叫我不如試下花邊領既 , 所以就試左 , 連佢地都話我著花邊領好睇 .... 其實我真係好想試下件 100" 長拖尾架 , 不過 janny 話驚我 handle 唔到 , 我都知架啦 !!! 所以最後都無試到~~
janny 問我鍾意邊件多 d 時 , 我就話鍾意三件既 mix 版 , 就係水晶袖 , 上身超閃 , 花邊領既 ... 哈哈 , janny 聽到就話幫我 design 一件喎 .... 嘩 ... 真係太好啦 !!!!
之後 janny 仲叫我試下希臘女神系列 , 都好靚架 , 不過唔係我要既款 ...
再試埋 oscar 系列 , 著左一件唔記得左叫咩 , 好似叫 "legenly" 都唔知係唔係咁串 , 一著左上身就真係好鍾意 , 之前試衫影相時 , 從未試過有呢種感覺 , 完全係唔想除返出黎 ... 呢件衫 janny 上次都有介紹過 , 但 o個 時睇覺得 d 花紋唔係咁好 , 所以無揀到 , 但無諗到著左上身係另一回事 ... 不過都係差 d 野 , 其實都唔知差 d 咩架 , 跟住 janny 就話試下加條底裙落去睇下 , 點知加左上去又真係好睇好多喎 !!! janny 叫 iris (全程幫我換衫既人 , 唔該曬 iris !!!) 試下加細鋼紗睇下 , 仲話如果唔好睇就唔使出黎 , 點知加左細鋼紗之後仲要係好睇好好好好好多添 ..... 連佢地加埋 janny 同 iris 都話好靚 ... 不過另一個問題就係我嫌佢地唔夠閃 , janny 就話可以幫我加多 d 水晶上去上半身到 , 至於下身就唔使加 , 因為 d 銀線繡花已經會閃 ....
試完婚紗就緊係試晚裝啦 !!!
1.) 70" 拖尾雪紗黃 : 好靚 , 公主 feel
2.) 貝兒 : 黃色
3.) 雙行水晶 : 紅色 , 著左上身 , 佢地連我自己都話靚
4.) strawberry : 紅色
5.) greenty/green tea (唔知邊個名先係) : 綠色 , 美人魚尾 , 後面有蝴蝶結 , 呢款都幾特別 ....
6.) 水仙子 : 湖水綠漸變色 ....
7.) karen : 紫色 , 黑色 lace 繡花 , 型 .... 因為呢件係新衫 , 仲要未整好 , 而我係第一個客人租佢 , 所以 janny 用左我個名黎做呢件衫既名 , 對我黎講真係超級有意義 , 好開心 ...
8.) 漸變銀灰 : 唔記左叫咩名 , 只係記得係漸變銀灰 ...
9.) 粉紅香檳金 ......
之後就試左兩件天藍色既 , 好鍾意好鍾意 ..... janny 仲話設計多一件天藍色既俾我揀 ... so happy !!!
當我試緊唔知第幾件晚裝既時候 , 佢地齊齊落左去樓下食荔枝 , d 荔枝係 janny 間 workshop 出面種架 , 好新鮮 ...
到我試曬衫之後 , 就係我最痛苦既時候 , 佢地三個每人揀三件佢地覺得我著得最好睇 .... 唉 .. 佢地揀既全部都係我鍾意架 !!!
janny 見我咁頭痛就叫我落去食 d 荔枝先 , d 荔枝真係好味 , 雪凍左都咁甜 , janny 仲俾左一袋我拎走添 ... thank you janny !!!
至於我揀左邊件 ??? 大家就要估下啦 ~~~
走既時候望一望隻錶 , 嘩 ... 原來已經六點鐘啦 , 試左四個鐘衫 ... 哈哈 !!! 佢地問我累唔累 , 點會累呀 !!! 有咁多靚衫著 ~~~~
janny 仲話佢個 workshop 後面仲有棵龍眼樹同埋蘋果芒樹 .... 佢話我地 2nd fitting 時應該仲會有龍眼食喎 !!! 我諗我 mammy 會超級鍾意呢間 workshop 囉 , 因為有齊佢最鍾意食既三款生果樹 ... 哈哈 ~~~
今日真係要好多謝 janny 呀 , 好期待你為我設計既婚紗同晚裝呀 !!!
仲有 iris 不停咁幫我換衫 !!!
當然唔少得既仲有未來老公 , nephy 同埋 jennifer !!!!
快 d 到 2nd fitting 就好啦 ~~~
2010年6月6日星期日
又係婚紗展
都唔記得第幾次去婚紗展 lu ... 不過既然唔使錢就入去啦 , 今次加上麥田第一次參展 , 就順便拎埋揀好左既相俾佢地 , 仲見到 carmen 同 theresa 兩個 blogger 添 ....
俾完相之後見到謝瑞麟都有擺 booth , 咁咪再睇下之前睇過既結婚介子 , 因為佢地做緊優惠 , 所以我地就買左 lu .... 拎埋張單去抽獎 , 抽獎前見到 d 抽品都唔係咁吸引架啦 , 其中一樣仲要係一大支油 (煮餸 o個 d 油) , 睇見都怕 , 叫未來老公唔好抽到支油呀 , 點知佢就抽到支酒 , 又係大大支 ..... 重鬼死呀 !! 一陣仲要出海架 ......
抽完獎仲要撞到一 pair 情侶 , 不過我就唔會講佢地係邊個既 !!! 兩個古古惑惑咁 !!!
2010年6月2日星期三
倒數 7 個月
轉下眼又過左一個月 .... 得返七個月咋 ....
又係時候放下個進度表 , 仍然係進度良好呢 !!!
日期:
|
2011 年 1 月 2 日 (星期日)
|
註冊地點:
| 紅磡海韻軒海景酒店天澄閣 (宴會廳) |
註冊時間:
| 晚上 7 時 30 分 |
| 婚宴地點: | 紅磡海韻軒海景酒店天澄閣 (宴會廳) |
| 婚宴時間: | 晚上 8 時 |
| 主要項目 | |
| 過大禮日期: | 未定 |
| 過大禮吉時: | 未定 |
| 上頭日期: | 未定 |
| 上頭吉時: | 未定 |
| 出門地點: | 女方家 |
| 出門吉時: | 未定 |
| 入門地點: | 男方家 |
| 入門吉時: | 未定 |
| 回門日期: | 2011 年 1 月 2 日 |
| 回門吉時: | 未定 |
| 伴郎: | 紹忠 |
| 伴娘: | 嘉雯 |
| 兄弟團: | 未搵 |
| 姊妹團: | 1.) Carrot |
| 2.) Sendy | |
| 3.) Cecilia | |
| 4.) Vikki | |
| 婚紗相: | 1.) 法國婚紗攝影 (已收) |
| 2.) 麥田映像 (已揀相) | |
| 3.) 麥田映像 (已揀相) | |
| 婚禮攝影 + 攝錄 + Snap Shot: | Gary Mak |
| 業餘攝影: | Kitvix Tsang |
| 結婚戒指: | 未搵 |
| 新娘化妝: | Wing |
| 伴娘化妝: | Wing |
| 媽咪奶奶化妝: | Wing |
| 姊妹化妝: | Esther Chan |
| 新娘花球: | 未搵 |
| 主婚人襟花: | 未搵 |
| 襟花 / 手花: | 未搵 |
| 囍帖: | 酒店提供 |
| 囍帖貼紙: | 未搵 |
| 餅咭: | 奇華已買 , 美心未買 |
| 花車: | Royal Classic Wedding Limited – 古董MG |
| Wedding Logo: | 已整 |
| Wedding Theme: | 未定 |
| 婚前檢查: | 已 join , 但未知幾時做 |
| 婚後居所: | 未定 (我都好想知 …) |
| 蜜月旅行地點: | 暫定歐洲 |
| 服飾類 | |
| 裙褂: | 未搵 |
| 婚紗: | 已 join janny wong, 16/6 1st fitting |
| 晚裝: | 已 join janny wong, 16/6 1st fitting |
| 男裝恤衫: | 未搵 |
| 男裝禮服: | 未搵 |
| 伴郎西裝: | 未搵 |
| 伴娘裙: | 未搵 |
| 兄弟呔: | 未搵 |
| 姊妹裙: | 未搵 |
| 新睡衣: | 未買 |
| Girdle / Nu Bra: | 已買 |
| 束褲: | 未買 |
| 男家衫: 老爺: | 未搵 |
| 奶奶: | In Wedding |
| 女家衫: 爹 o地: | 未搵 |
| 媽咪: | In Wedding |
| 褂鞋: | 未買 |
| 婚紗晚裝鞋: | 未買 |
| 新郎禮服鞋: | 未買 |
| 首飾: | 未買 |
| 金器: | 已買了一些 |
| 頭紗 / 手套: | Janny 包 |
| 儀式用品類 | |
| 過大禮用品: | 未買 |
| 上頭用品: | 未買 |
| 敬茶茶具: | 未買 |
| 利是封 & 囍字貼: | 未買 |
| 利是錢: | 已 “唱” |
| 紅傘: | 未買 |
| 其他雜項用品: | 未買 |
| 花車佈置: | 未定 |
| 結婚公仔: | 未定 |
| Cushion: | 未買 |
| 龍鳳被: | 未買 |
| 回門乳豬: | 未買 |
| 接新娘遊戲: | 未定 |
| 註冊及晚宴項目類 | |
| 律師證婚: | 廖成利律師 |
| 擬結婚通知書: | 未整 |
| 場地佈置: | Sans Deco – Sandy (已落訂 , 但未決定點整) |
| 片頭製作: | 未整 |
| 婚宴音樂: | 未搵 |
| 嘉賓題名冊: | 未整 |
| 戒指枕: | 未搵 |
| 羽毛筆: |
未搵
|
| 結婚證書套: | 未搵 |
| 婚宴司儀: | Jack Creation - Flora |
| 婚宴蛋糕: | 酒店提供 |
| 席前小食: | 未定 |
| 酒類飲品: | 未定 |
| 檯號牌: | 未整 |
| Menu 牌: |
未整
|
| 簽名筆: | 未搵 |
| 回禮小禮物: | 未搵 |
| 賓客邀請名單: | 未整 |
| 賓客坐位表: | 未整 |
| 全日流程: |
未整
|
訂閱：
留言 (Atom)