最後一輯婚紗相

今日就要去影埋最後一輯既婚紗相啦 !!!

但唔知點解尋晚成日 o係 咁醒 ... 醒左都有五六次有多 !!!

起身之後就去食早餐 .... 嘩 !!! 深圳既麥當勞餐係比香港既大架 ... 只係杯汽水就已經係香港既加大碼啦 !!!

之後就出發上去麥田到換衫化妝 ... 我地原本今次係去青青世界到影架 ... 不過未來老公話唔想又影 d 花花草草 , 所以我地改左去世界之窗到影 ....

今次既妝同頭都唔及上次廣州 o個 個好 !!

化好妝同換好曬衫等出發前就影幾張相先 !!!

去到世界之窗真係超級極到多人呀 !!! 好多人都望住我地影婚紗相 , 仲不停有人咁影我地相添 .... 哈哈 ... 我地就係咁成為左好多人既景點啦 !!!

今次未來老公都幫我影左 d 花絮 ... 但唔知係唔係尋晚瞓得唔好 , 所以 o係呢個地方都足足暈左三次咁多 ......

影完世界之窗同室內景之後就去左金光華廣場上面既一間日本料理到食自助餐 .... o個 到好攪笑架 , 我地等緊位時都可以隨便去拎 d 西瓜汁黎飲架 ....

食到最後緊係要叫返 d 甜品黎食啦 !!! 四隻味既雪糕 .... 其中三隻味都係我架 !!! 攪到拎雪糕黎既侍應都想笑 .....