由於之前坐巴士時塞左好耐車 .... 所以一上到山頂都已經要去食飯 .....
去左山頂明珠 pearl 到食 .... 望住咁靚既夜景食飯 , 真係好浪漫 ..... d 野又唔差 .... 開頭以為要成千幾二千蚊埋單 .... 點知比預期中平 (兩個前菜 + 兩個湯 + 兩個主菜 + 一個甜品) , 又真係唔係太貴咋喎 ....
之後周圍行下 , 睇下夜景
其實見到你幾次伸隻手入袋搵野時都知道你想拎咩出黎 , 你又以為我唔知 .... 其實我只係扮睇唔到咋 .... 哈哈 ....
你問我有無諗過幾時結婚 .... 我答話想 2011 年時 , 你竟然想收返埋隻介子 (不過我又扮睇唔到) , 之後你話想 2010 年 , 然後就拎隻介子出黎 (隻介子係我睇中左好耐架啦 , 雖然唔係一粒石 , 但係我真係好鍾意呢隻 , 對佢真係一見鍾情架呢 !!) 同我講 :
"嫁俾我啦 ! 我應承妳以後錫曬妳 , 只係愛妳一個 , 會愛護妳 , 會永遠保護妳 , 以後所有野都俾曬妳 .... 所有錢都俾曬妳 .... "
最後我都笑住點頭應承左妳 , 見住你幫我戴上隻求婚介子時 , 個心真係 sweet 到呢 ....
跟住就同你講笑話 : 見你話所有錢都俾曬我先應承你咋 .....
今日真係好難忘 .... 唔單止經歷左三個人生既第一次 .... 仲有就係 , 由今日開始 , 我既身份已經唔再係你既女朋友 , 而係你既未婚妻啦 ....
I Love You forever too ~~~
返到屋企就即刻拎扎花入廚房插返靚佢啦 ...
但 daddy 竟然 o係 廳到話 : 嘩 , 咁大扎花既 ... 咩事呀 ??? 自己買俾自己架 ???
唯有扮聽唔到 .... 心諗 : 妳個女使唔使買花俾自己呀 ??? 激死 !!!
沒有留言:
發佈留言