之後返房浸下個浴缸溫泉 , 最後當然要再去多次個露天溫泉到浸下啦 .... 但可惜天氣都幾熱 , 所以都無咩點浸熱溫泉 , 好多時都只係浸 o係 個玫瑰花冷溫泉到 .... 好正 .... 今次仲偷偷地 "羅" 埋部相機落去影相 ....
浸完就要返上房拾行李離開 ..... 唔捨得 d 溫泉呀 .....
之後搭捷運過西門町間萬事達旅店放低 d 行李先 ....
西門町真係好多野睇呢 .... 放低行李就過左深坑條深坑老街 (又名豆腐街) , 搭車去時仲見到條好大既彩虹 , 好靚 !!!!
深坑老街成條街都係食豆腐 , 但當然要搵返本書介紹既 "陳家豆腐" 啦 .... 叫左麻辣臭豆腐 (我個人最鍾意食) , 炸臭豆腐 (呢個都好好味) , 東坡豆腐 (老公仔鍾意食) .... 真係好好味 , 本書真係無介紹錯 ....
行多陣就搭車走 , 又見到彩虹呀 ~~~
過去市政府站附近既新光三越 (買左 d 雪條做手信 , 仲送左 4 支俾我地食)
台北 101 (原本諗住上去最高到睇下架 , 但每個人要成港幣 $100 .... 咁貴 ... 唔上啦 ...)
唯有過饒河街夜市到行同食野 .... 好多野食呀 .... 但 uncle & anutie 似想食正餐多 d , 所以佢地先返酒店附近食野 , 而我同老公仔兩個繼續行 ....
之後就過左去忠孝復興站到訂星野銅鑼燒 (表妹阿珊之前買過返黎食 , 覺得好好味 , 所以一定要去買黎食)....
返西門町再行多陣 (又見到尋日一齊搭飛機 o個 兩 pair 情侶 , 尋日 o係 春天溫泉酒店又撞到 , 而家又撞到 .... 佢地都認得我地 lu , 連佢地都話點解去到邊都撞到我地)
沿路行去酒店附近既 7-11 羅返之前 o係 網上訂購既書 .... 之後就返酒店沖涼 "目訓" 覺 ....
沒有留言:
發佈留言