婚禮回顧 - 進場篇

一輪大合照過後 , 司儀告知已差不多八時多 , 原來時間真的可以這麼快便過去的 !!

換個婚紗及造型 , 便準備進場 , 爸爸這時才知要陪著我一起進場 , 為何這麼遲才知道 ?? 因為過早告知他 , 他一定緊張很久 !!

不知為何拖著爸爸進場時 , 眼眶已充滿了眼淚 , 不是緊張 , 只是很久已沒有拖著爸爸 , 想不到今天有兩次這麼多 , 那種感動真的不知如何形容

婚禮回顧 - 席前篇

不知還要多少時間才可以把我的婚禮回顧完成 .....

在中大影過外影 , 便要到婚宴場地 , 到達時便要換上第一件晚裝 ....

眼看場地佈置還未完成 , 只好到處拍下照 ~~

當場地佈置完成後 , 便開始敬茶給長輩們 , 一輪敬茶後便是我們的結婚蛋糕登場的時候 , 結婚蛋糕是 CAKE 2 來的 (是我近年十分喜愛的蛋糕店舖)

還有特別訂回來的閃閃 cake topper

令我十分懷念的花球 , 是我最愛的黃色馬蹄蘭 , 真的很漂亮 , 還很搶眼

婚禮回顧 - 外影篇

咩叫懶人 , 絶對有辦你睇 , 我呢 d 咪就係囉 , 打成世都未打得完既婚禮回顧 , 今日有少少時間 (其實日日都大把時間 , 只係自己懶咋麻) 就打左個外影篇先 !!!

影外影既地點 , 最初係 1881 或中文大學 , 攝影師 GARY 最後建議去中文大學 , 因為星期日既 1881 會係超多人 ..... 完全無後悔到去中大影外影 , 真係好靚 !!!

影緊相時 , 好多人都大讚我件婚紗好靚添 , 真係開心呀 ~~~~

相愛七年

今日係我同老公拍拖七週年呀 !!! 時間過得真係快 ~~~

今日特登走左過去隔離公司搵 D 整餅師傅幫我整個藍莓芝士蛋糕 , 真係好鬼死平 , 而且又好味喎 !!!

但個蛋糕咁大個 , 兩個人點食得曬呢 , 所以拎左落去紹波舅父屋企同佢地一齊食 ~~~ 哈哈 ~~~

紙婚週年

唔經唔覺已經結左婚一年啦 , 即係我地既紙婚週年紀念 !!

呢一年真係好多謝老公一直 o係 我身邊支持 , 關心同愛惜我 ~~

雖然今年上天俾左個考驗我地 , 但我願意同你一齊去衝破呢個難關 !!

就如一年前 o係 所有親朋戚友面前對你許下既諾言一樣 , "今後無論富貴或貧窮 , 健康或疾病 , 我都願意與你一同度過" !!!

你要快 d 好返呀 , 雖然改左期 , 但仍然好期待我地既紙婚之旅呀 , 老公 , 你要身體健康呀 ~~

因為老公未好返 , 所以唔想周圍去 , 所以等到夠鐘食飯先出去 ~~~

朝早起身 , 襯住老公沖緊涼時即刻放好之前自己 DIY 既相架俾個驚喜佢 ~~



幅相係由我地拍拖到而家所有既合照組成架 ~~~ 之後仲要周圍搵合適既相架 !!!!

成日都覺得我呢個老公係一個無心思既人 , 諗住今日都唔會有咩驚喜 , 點知當我準備妝扮出去食飯時 , 電話突然響起 (我一直都係較左唔同人打黎係用唔到既鈴聲) , 今次打黎既鈴聲係阿哥打黎既鈴聲 , 一拎個電話出黎既時候真係叫左一聲 , 因為部電話竟然變左做我一直想出既 GALAXY NOTE ...... 嘩 , 真係超開心呀 !!! (個電話其實係老公打黎架 !!) 多謝曬老公 ~~~~ LOVE YOU ar ~~~

帶住滿心歡喜既心情出發去食我地既晚飯 !!!

今次我地 BOOK 左尖沙咀既 Ruth's Chris Steak House ~~~  

我地睇過 d 餐唔係咁岩我地食 , 反而散叫仲平 , 呢間野 d 野食真係唔平架 !!!!

之前已經上網睇過呢間 d 食評 , 好多人都話佢地既麵包好正 , 其實我不嬲都唔係咁好麵包架 !! 但呢間真係唔錯 , 外脆內軟 ~~~



餐湯必選龍蝦湯 ~~



主菜方面 , 我叫左個肉眼 , 而老公就叫左個西冷 , 唔好睇佢地平平無其 , 尤其係隻碟 , 比得上鐵板既熱度 !!!!

我地兩個都覺得去過咁多間扒房 , 呢間 d 扒真係最好味 !!!! 緊係啦 , 價錢都係最貴 o個 間呀麻 ~~~~ 但老實講 , 佢地 d 扒真係幾令人回味 !!! 講起都想再食過呀 ~~




食完個主菜 , 我地就開始研究食咩甜品好 , 叫完個甜品無幾耐 , 有個工作人員就拎住一扎花過黎我地張枱到 , 原來老公一早已經安排好左 , 真係超級驚喜呀 !!!! 好開心呀 !!!!

真係無諗過今日會收到兩個驚喜咁多呀 !!!



我地叫左個朱古力蛋糕做甜品 , 個蛋糕又係好好味 !!!!

 

最估唔到就係間餐廳都整左個甜品送俾我地祝我地結婚週年快樂呢 ~~~  

最後緊係要同老公影返張合照先啦 ~~~

 

今日真係超開心呀 , 好多謝老公俾左咁多驚喜我 ~~~ love love love you ~~~  

婚禮回顧 - 男家敬茶篇

好啦好啦 , 終於都去到男家啦 !!

首先緊係要敬茶俾老爺奶奶啦 !!!

好多謝老爺奶奶送既金豬同龍鳳鈪 !!

再黎就係舅婆 , 舅婆真係好鍚老公架 , 老公唔係佢既孫都咁鍚 , 所以我都好尊重佢架 , 每逄大時大節見到面時都一定會俾錢佢買野食架 !!

之後就要黎幅全家福 !!

食過湯圓 , 以後兩公婆就要團結一心啦 !!! (呢兩粒湯圓竟然成為左我當日既早餐啦 ~~~)

班兄弟姊妹都辛苦左一朝啦 , 所以就叫左佢地去食野先 , 之後仲要辛苦佢地架 ~~~~