木糠蛋糕

上星期老公話我好耐無整過木糠蛋糕俾佢食 , 見佢之前整左意粉俾我食 , 咁就趁今日唔使返工時就整俾佢食啦 ~~

首先預備好要用既材料先 ~~

500ml 淡忌廉
120g 煉奶
1筒 馬利餅

先將馬利餅整碎

然後將淡忌廉打成 cream 狀

再將煉奶放入

再將忌廉打至企身

先將部份餅碎放入模 , 再將忌廉加入 , 重覆地做三至四次 ~~

最後放入雪櫃下格或冰箱雪硬 !!

我地較為鍾意放入冰箱雪硬 , 食時似食雪糕咁樣 ~~~~

煮飯仔

今次又試下煮下新菜式先 ~~~

粟米魚柳 , 蜜糖蒜蓉雞翼 , 黑椒牛仔骨同埋炒菜芯 ....

一次煮三個新菜式都幾大膽 , 好彩味道都唔差 !!!

再黎多次好老公下廚

今日難得老公可以收早 , 而我又好掛住老公上次整既意粉喎 !!

咁緊係叫佢煮多一次啦 ~~~

老公今次仲要加埋帶子同埋蜆肉一齊煮 ~~~

好老公出品之 "海鮮牛肉意粉" , yummy !!!!