婚禮回顧 - 遊戲篇

老公同班兄弟 o係 樓下都凍薑啦 ~~

好啦 , 就放佢地上黎啦 !!!

雖然話係俾佢地上黎啫 , 但又點會咁容易放過佢地呢 ~~ 首先就等我班姊妹送 d 見面禮俾佢地先啦 !!

這班 "可愛" 的小朋友 ..... 哈哈 ~~

打扮完就黎跳個舞啦 !!!!

跟住就等你地用腳趾夾出我最愛既十三么啦 !!

呢盤並唔係普通水咁簡單 , 因為姊妹們都放左 d 冰塊入去架 !!!

好啦好啦 , 到最後一關就緊係愛的宣言啦 , 先黎個攪笑版 !!!

再黎個正經版啦 !!

簽左名架啦 !!! 無得反口呀 , 記得你講過既野呀 !!!!

當然點少得姊妹們既開門利是啦 !!!!

過左咁多關就放過你地啦 !!

daddy 笑到見牙唔見眼呢 , 仲話 : 我交個女俾你啦 !!!

以後你就聽聽話話啦 !!! 哈哈 ~~

上環買紙記 + high tea @ 文華東方

今日第一次約 sasa , 小草 , manchi 同埋 norris 出去咋 , 其實都有 d 緊張 !!

manchi 同 norris 都係第一次見咋 !! 好開心識到你地呀 ~~

我地今日首先去左上環到買紙 , 然後就去埋 paper art ....

最後當然係去文華東方到 high tea 啦 ~~~

成個下午都好開心呀 , 講唔停咁 , 希望快 d 再見到你地啦 !!!

兩公婆撐枱腳@Barg

經過三個星期密集式咁去完成我地功課之後 , 今日終於有時間陪老公啦 !!!

之前 o係 網上面團購左兩張 coupon 就黎到期 , 所以就同老公去撐下枱腳先 !!

雖然係團購 , 但 d 野都 ok ~~

前菜我地揀左生蠔 , 係一人兩隻生蠔 ~~~ 正 !!!

小食有半價優惠 , 所以我地叫左薄切生牛肉同埋焗田螺 !!

龍蝦湯 ~~

至於主菜呢 , 老公揀左羊架 ~~

而我就揀左西冷牛扒 ~~

最後甜品方面 , 老公揀左朱古力慕絲 !!

我呢就揀左焦糖燉蛋 !!

再黎劉太私房菜

由於前日打邊爐食淨好多餸 , 所以就拎埋出黎煮左去 ....

蔥爆雞球 , 雙菇炒娃娃菜 , 蝦仁炒蛋 !!!

煮飯煮上癮

呢排成日都好鍾意煮飯仔 , 因為如果煮飯既話 , 就可以帶埋第二日既晏 , 真係慳唔少架 !! 對於要儲錢既我地真係要慳得一蚊得一蚊呀 !!

今次煮既有蝦醬雞翼 , 蝦仁炒蛋 , 仲有就係第一次煮既金菇炒波菜同埋中式豬扒 ~~~

每次都要諗下有咩新菜式 , 睇黎真係要買返 D 書返黎鑽研下先得啦 !!!

好老公下廚 ~~

老公見佢自己今日放假話要親自下廚喎 ~~ 其實係佢知道我因為尋日既事唔開心啫 !! 原本成朝都仲好嬲架 , 但返到屋企見佢煮野俾我食就算啦 ~~

好老公出品既大蝦牛柳粒扁意粉 !!!

賣相都唔錯 , 味道都好好味 ~~ 老公仲特登煮多 D 俾我聽日帶飯添 , thank you 老公 !!!

婚禮回顧 - 新郎兄弟預備篇

當我同班姊妹忙到不得了既時候 , 我既老公和兄弟們已經一早就到左我屋企樓下 .... 但無奈我們仲未 ready 好 , 所以緊係唔可以俾佢地上黎先啦 !!!

於是攝影師便先到樓下同佢地影下相先 !!!

大家快 d 幫手裝飾下 d 車先啦 ~~

我地架花車呀 , 古董 MG ~~~ 超靚 !!!

其實咁樣影老公同班兄弟慢慢行過黎都幾型架喎 !!!

今晚食咩餸

有係劉太私房菜既時間 , 因為老公話好想帶飯 , 所以放工就即刻齊齊去睇下有咩餸買 ~~~

今次又係煮 d 好簡單既餸 , 菜芯炒牛肉 , 煎龍脷柳同埋芒果雞扒 !!! 仲有蕃茄薯仔湯添 ~~~

婚禮回顧 - 新娘姊妹預備篇

唔知係心情緊張定係件睡衣太簿 , 成晚不斷凍醒 ~~~ 攪到電話嚮左兩次先肯起身 !!!

岩岩洗完頭 , 其中一個姊妹就黎到 , 真係好早呢 , 比預定時間早左 45 分鐘 ~~~

之後 d 姊妹們 , wedding planner , 化妝師同攝影師都陸陸續續咁黎 !!!

一直都無諗過要去酒店出門 , 因為由始至終都覺得 o係 自己屋企出門既感覺是特別的 ~~~ 雖然沒有酒店咁靚 , 但那種感覺真係唔知點樣去形容 !!

我家客廳既窗都唔細架 , 環境都唔錯架 , 哈哈 ~~

 

大門亦都貼上左對聯 , 讓隔離鄰舍都知我地屋企要辦喜事 ~~ 嘻嘻 ~~

 

當化妝師幫我化妝時 , 姊妹們都分別地化妝 , set 頭同埋預備遊戲 ~~

雖然我既頭好亂 , 但唔知點解仍然好鍾意呢張相 , 因為鏡中既好朋友同我一樣岩岩都係化緊 o個 個位置 ~~

 

當大家都忙緊既時候 , 有無諗過個環境係點樣 ?? 唔睇相都唔知原來當時係咁凌亂架 !! 哈哈 ~~

 

姊妹阿 moon 幫我整既愛的宣言 , 好靚呀 ~~~ thank you ~~~

 

攝影師將一陣用黎玩新郎同兄弟既用具放埋一齊 ~~~ 之前同姊妹傾遊戲時 , 我係堅決地唔可以玩任何有關食既 !! 因為真係怕攪到新郎同兄弟肚痛就唔係咁好啦 ~~

 

雖然而家好流行著潮褂 , 但我始終都係鍾情傳統褂 , 人地話要越多金銀線就代表屋企係越有錢 , 但我自己覺得越多金銀線反而顯得比較老 ~~~

 

呢個時候 , 我個妝同頭都差唔多完成啦 ~~

 

一直都好鍾意媽咪幫女兒著褂既相 , 估唔到自己都會有呢 ~~

 

好耐都無影過既全家幅啦 ~~~

 

當然呢張都係我好鍾意架啦 , 因為當日真係辛苦曬你地啦 ~~~