結左婚都差唔多有一個月啦 , 但我到今日先的起個心肝去拆我地既人情 ....
之前聽人講過而家結婚收得返七成已經好開心架啦 , 但我一路都唔介意蝕幾多 , 只係想各位朋友都可以出席同我分享呢個日子 , 可能因為一直咁諗 , 所以拆人情時真係有好多驚喜架 !!!
如果唔計金器既話 , 我地都好好彩可以 cover 到我地酒席 !! 真係好多謝各位親朋戚友既厚愛 !!
2011年1月27日星期四
2011年1月8日星期六
再黎 Amour Course
o係 bel bel 一輪軟功下 , 最後都報左 Amour 既堂 .... 今次又係同埋 matty 一齊上 ..... 三個上到去就七咀八舌咁揀 d 靚靚紙張 , 好多紙都好靚 , 真係揀到眼都花 ...
雖然今次時間多左 , 但對於無藝術天份既我又點會夠時間用呢 !!! 所以只係影左兩張製成品 .....
左手邊 o個 張就送俾我既花女啦 (即係我既表妹仔) !!!
至於右手邊 o個 張就 .......
估唔到上完堂既時候仲撞到 bubibu 添 ... 如果唔係 matty 話我知我都唔知係邊個 !!!
2011年1月6日星期四
開茶會 + shopping
10:30 am 就要去到金鐘開茶會 .... 搵埋細妹一齊去 !!! 佢肯陪我係因為要我陪返佢去 shopping ~~~~
開茶會開左一個鐘 , 之後我地兩個就坐左 o係 到食食食食 ..... 哈哈 ~~~ 其實唔係好多野食 , 只係大家都掛住睇佢地 d 旅遊特輯 ..... 一路睇就一路食 , 最後攪到成點幾兩點先走人 ..... 真係誇張 !!!
跟住就陪左細妹去花園街到 shopping !!!! 都唔明點解星期五都咁多人既 , d 人唔使返工架咩 ????
2011年1月5日星期三
2011年1月3日星期一
回門
傳統話三朝回門 , 而家好多人都會結婚當日就回埋門 ....
但因為我地無太多時間 , 所以決定結婚之後一日先回門 ~~~~~
尋日 o係 酒店到瞓左一晚 ..... 今朝好早就要起身 , 因為話要十二點交房 .....
但無奈還衫時間要下午兩點 , 所以決定同老公 (以後可以打少未來呢兩個字啦 ~~ 嘻嘻 ~~) 去飲茶 ..... 而我忍左口唔食熱氣野咁耐 , 今日終於可以黎個大解放啦 ~~~~ 哇哈哈 !!!!
今日天氣凍左好多呀 , 入到元朗真係超凍 ..... 好彩尋日結婚時無今日咁凍咋 ~~~ 真係好感謝主呢 ~~~
還曬衫之後就要回門啦 ...... 順便要執野過去我地既新居呀麻 ~~~~
但由於間屋都係岩岩先趕起 , 所以成間屋都只係得張床 .....
唔理啦 , 住住先啦 ~~ 其他野遲 d 先再買啦 ~~~
黎緊真係要買好多野 , 又要買去旅行既野 , 又要買傢俬 .......
希望 o係 新年前可以攪掂曬 d 野啦 ~~~~
2011年1月2日星期日
我做左劉太啦!!!
努力左年半 , 今日我終於做左人地老婆啦 ~~~ 我而家係劉太啦 !!!!
等收左相之後先做婚禮回顧啦 !!! 好心急等睇相呀 !!!!
請容我長氣少少 o係 呢到慢慢多謝每一位 !!!
今日好多謝所有親朋戚友既賞面 , 因為你們的出席使我倆的婚禮生息不少 ....
多謝我地班兄弟姊妹團及 wedding planner , 因為有你們的幫忙使我倆減少了很多煩惱 , 特別要多謝 Panda 這位兄弟 , 多謝你放棄了你的睡眠時間完成了我們的回禮小禮物 ......
多謝所有親戚在金價這麼高的時候還送我金器 .....
多謝一班陪我一同努力的 blogger 花心思做了一個精美的 photo board 送給我 ..... 雖然我地只係認識了年半 , 但這年半時間 , 多得你們的支持 ~~~~ I love you all ~~~~~
最後真的真的最感謝的人就是我老公 , 謝謝你一直的支持 , 謝謝你願陪著我走之後的路 , 謝謝你送給我一個這麼美麗的回憶 (婚紗 , 晚裝 , 花球 , 花車 , 場地佈置等等 ) .....
其實還有很多很多人要感謝 , 但我一時之間諗唔到 ...... 希望大家不要見怪 !!!!
2011年1月1日星期六
Last Day
聽日就係啦 !!! 好緊張呀 ~~~
因為個進度表終於都無曬 d 紫色同紅色啦 ~~~ 所以好想放下出黎 !!!
日期:
|
2011 年 1 月 2 日 (星期日) |
註冊地點:
|
紅磡海韻軒海景酒店天澄閣 (宴會廳) |
註冊時間:
|
晚上 8 時 30 分 |
婚宴地點:
|
紅磡海韻軒海景酒店天澄閣 (宴會廳) |
婚宴時間:
|
晚上 8 時 |
| 主要項目 | |
| 過大禮日期: | 2010 年 11 月 14 日 |
| 過大禮時間: | 2:00 pm |
| 上頭日期: | 2011 年 1 月 1 日 |
| 上頭時間: | 10:30 pm |
| 出門地點: | 女方家 |
| 出門時間: | 10:30 am |
| 入門地點: | 男方家 |
| 入門時間: | 11:00 am |
| 回門日期: | 2011 年 1 月 3 日 |
| 回門時間: | 5:00 pm |
| 伴郎: | 紹忠 |
| 伴娘: | 嘉雯 |
| 兄弟團: | 1.) Panda |
| 2.) 阿誠 | |
| 3.) 韓明 | |
| 4.) Sam | |
| 姊妹團: | 1.) Carrot |
| 2.) Sendy | |
| 3.) Vikki | |
| 4.) Moon | |
| Wedding Planner: | Vera |
| 婚紗相: | 1.) 法國婚紗攝影 (已收) |
| 2.) 麥田映像 (已收) | |
| 3.) 麥田映像 (已收) | |
| 婚禮攝影 + 攝錄 + Snap Shot: | Gary Mak |
| 業餘攝影: | Kitvix Tsang |
| 結婚戒指: | 已買 |
| 新娘化妝: | Wing Yip |
| 伴娘化妝: | Wing Yip |
| 媽咪奶奶化妝: | Wing Yip |
| 姊妹化妝: | Esther Chan |
| 新娘花球: | 已買 |
| 主婚人襟花: | 已買 |
| 襟花 / 手花: | 已買 |
| 囍帖: | 酒店提供 |
| 囍帖貼紙: | 已買 |
| 餅咭: | 奇華已買 , 美心已買 |
| 花車: | Royal Classic Wedding Limited – 古董MG |
| Wedding Logo: | 已整 |
| Wedding Theme: | 已定 |
| 婚前檢查: | 已做 |
| 婚後居所: | 已搵 |
| 蜜月旅行地點: | 歐洲 |
| 服飾類 | |
| 裙褂: | 鴻運繡莊 |
| 婚紗: | Janny Wong |
| 晚裝: | Janny Wong |
| 男裝恤衫: | VA Fashion |
| 男裝禮服: | VA Fashion |
| 伴郎西裝: | 已租 |
| 伴娘裙: | 已買, 另一條 Janny 租 |
| 兄弟呔: | 已買 |
| 姊妹裙: | 已買 |
| 新睡衣: | (女) 鴻運綉莊送 , (男) 已買 |
| Girdle / Nu Bra: | 已買 |
| 男家衫: 老爺: | 已買 |
| 奶奶: | In Wedding |
| 女家衫: 爹 o地: | 已買 |
| 媽咪: | In Wedding |
| 褂鞋: | 已買 |
| 婚紗晚裝鞋: | 已買 |
| 新郎禮服鞋: | 已買 |
| 首飾: | 已買 |
| 金器: | 已買 |
| 頭紗 / 手套: | Janny 包 |
| 儀式用品類 | |
| 過大禮用品: | 已買 |
| 上頭用品: | 已買 |
| 敬茶茶具: | 已買 |
| 利是封 & 囍字貼: | 已買 |
| 利是錢: | 已 “唱” |
| 紅傘: | 已買 |
| 其他雜項用品: | 已買 |
| 花車佈置: | 已買 |
| 結婚公仔: | 已買 |
| Cushion: | 已買 |
| 龍鳳被: | 已買 |
| 回門乳豬: | 已買 |
| 接新娘遊戲: | 已定 |
| 註冊及晚宴項目類 | |
| 律師證婚: | 廖成利律師 |
| 擬結婚通知書: | 已整 |
| 場地佈置: | Sans Deco |
| 片頭製作: | Gary Mak |
| 婚宴音樂: | 已搵 |
| 嘉賓題名冊: | 已有 |
| 戒指枕: | 已有 |
| 羽毛筆: | 已有 |
| 結婚證書套: | 已有 |
| 婚宴司儀: | Jack Creation - Flora |
| 婚宴蛋糕: | 酒店提供 |
| 席前小食: | 已訂 |
| 酒類飲品: | 未來老公既六姨 sponsor |
| 檯號牌: | 已整 |
| Menu 牌: | 已整 |
| 簽名筆: | 已買 |
| 回禮小禮物: | 已整 |
| 賓客邀請名單: | 已整 |
| 賓客坐位表: | 已整 |
| 全日流程: | 已整 |
明天我要嫁給你啦 !!!
今日係 blogger karen pig 既大喜日子 , 我原本真係諗住黎架 , 但無奈我 d 時間真係完完全全唔夠用 ,
所以最後都黎唔到 , 真係唔好意思呀 !!!
起身之後就即刻上去未來老公屋企到執野 ..... 哎呀 ~~~ 真係好驚執漏野呀 !!!!
差唔多夠鐘就出去花墟搵埋 mammy , 因為化妝師阿 wing 要我地預備 d 花聽日用 ....
跟住就去埋 in wedding 到拎埋 d 媽咪奶奶衫衫 ..... 仲要過埋去鴻運繡莊到拎褂 ......
跟住我仲要過埋去九龍塘拎埋我個花球 ..... mammy 一個人拎住咁多野 , 所以又走左上去紹波舅父屋企放低 d 野先 !!!
紹波舅父間屋就黎做左我既迷你倉啦 ~~ 哈哈 ~~~
拎左個花球上去紹波舅父屋企就緊係即係打開黎睇下啦 ..... 嘩嘩嘩 ..... 真係靚到呢 !!! 即刻拎部相機出黎影下先啦
~~~ (呢個時候紹波舅父係坐 o係 張梳化到架 ..... 佢話 : 有咩好影呀 !!! 講完都唔理我 !!)
當我影完之後 , 二舅母 o係 廚房整好曬野行出黎見到都話好靚 , 跟住就拎部手機出黎 o係 咁影 ..... 無幾耐 mammy 上完舊屋返落黎 , 二舅母叫佢睇下個花球幾靚 , mammy 就話 : 真係幾靚喎 !!!! 之後又拎部手機出黎 o係 咁影 ................. 就係呢個時候 , 紹波舅父都忍唔住起身走過黎睇下個花球有幾靚 , 哈哈 ~~~
影完個花球一輪之後就要即刻 print 埋過人名表出黎 ..... 真係唔到最後一刻都完成唔到 !!!
等 daddy 過埋黎就齊齊去左荷里活廣場到食飯 , 食完飯就順便買埋龍鳳被 .....
之後就返屋企佈置 , 上頭同埋食湯圓 ~~~
明天我要嫁給你啦 ~~~
終於都輪到我講呢句說話啦 ~~~ 時間真係過得好快 ..... 聽日就係啦 !!! 心情開始有 d 緊張啦 ~~~~
訂閱：
留言 (Atom)