筍崗狂購之旅

原本係約埋兩個朋友一齊上去筍崗到買野 , 點知其中一個突然唔舒服 , 所以最後只係得返我同未來老公兩個自己上 .... 但因為之前一直都只係諗住全程交由唔舒服既朋友負責 , 所以我地完全係無理過要點樣去 .....

由於我地拖喼去 , 所以上到去羅湖城就直接搭的士過去 , 去到就 o係 附近先醫下個肚仔 , 食完就去買野 lu .... 我地只係去 matty 介紹既立興到買 , 仲要只係去 natnat 話第二分店到睇 , 其他都無再留意 lu ..... 呢 d 就係我既性格 ...... 就係懶 ......

去到就只有我地兩個客人 ..... 個哥哥仔仲好好人 , 不停咁幫我將 d 野拎黎拎去 ....

買左好多野 , 當中仲有 karen pig 同埋 natnat 既野 ..... natnat 話俾你聽啦 , 你要我買既利是封全部都唔使錢呀 !!! 全部都係我叫佢送俾我架 !!!! 其實係佢見你 o個 部份唔係多 , 所以先肯咋 !!! 哈哈 ~~~~

最後都買左成個幾兩個鐘 ..... 成個喼都放到滿曬 !!!

 

拖住個喼真係好麻煩 , 所以最後又係決定搭的士過去麥田到拎緊 d 相 , 最緊要就係拎隻 cd , 因為要揀相拎去整成長片段 ...... 由於個喼太爆 , 最後只係可以拎到三樣最細既野走 , 其他野就要麻煩佢地黎緊婚紗展時拎落黎香港 ..... 但我諗 o個 堆野真係要分開三日拎先得囉 .....

一直都好想去大飽口福到試下架 , 見時間仲早 , 所以又搭的士過去 , 不過今次既車程就要耐 d , 差唔多半個鐘 ......

 

蒜蓉焗蠔 ..... 我總共食左六隻咁多 ...... 因為真係好好好好好味呀 !!!!

 

食完都只係八點幾 , 聽日又要返工 , 所以決定走人返香港 lu .....

最後當然要做返全日都做既野啦 ..... 就係搭的士過去關口轉直通車返香港 ......

伴郎衫

終於都去左租伴郎衫啦 ~~~

不過今次只係未來老公同伴郎一齊去 ~~~

原本諗住去埋 VA 到租架 , 但伴郎話唔使租到咁貴 , 所以佢地去百利到睇 , 但原來百利無一間係租架 , 全部都係要買既 !!! 所以之後佢地去左金都到租 ......

點都好啦 , 總算又攪掂多一樣野 ~~~

我的花球

因為 Vera 個朋友有白金咭 , 所以我 ......... 去左訂 B 仔既花球啦 ~~~ yeah ~~~~

之前睇左幾間 , 但價錢只係平 B 仔二三百蚊 , 所以最後都決定訂我一見鍾情既花球 .....

最後仲幫 Matty 訂埋添 ......  好彩最後 o個 個電話你有聽到咋 , 如果唔係就幫唔到你啦 ~~

成長片段既照片

開始要搵相做成長片段啦 ~~~

呢到只係一部份相簿咋 ~~~

 

睇返以前好多相 , 諗返起好多野 !!! 有 d 連自己影過都唔知 ~~~ 但睇返 d 朋友仔以前既樣真係攪到我 o係 咁係到笑 ~~~ 真係好得意 !!!

我的結婚公仔

原本約左去觀塘交收 , 但 Vera 話佢會 o係 觀塘 o個 邊過黎 , 所以最後由佢黎幫我交收 ..... 唔該曬 ~~~

咁樣我就有時間去拎我對四吋高既晚裝鞋 ..... 但可惜唔夠時間睇褂鞋 .... 又要搵日出去睇 !!!

好啦 , 俾大家睇下我既結婚公仔啦 ~~~

 

其實之前一直都搵唔岩心水既結婚公仔 , 但 o係 個 blogger 到睇到呢對鬆弛熊 , 真係超級鍾意 , 之後問準左未來老公就即刻去訂 !!!! yeah ~~~

傾 rundown

呢排太多野要攪啦 .... 每個星期一至五都安排曬 d 野黎做 .... 再加上部電腦放左 o係 未來老公屋企 , 佢呢排又要返夜 , 攪到我都好少上去 , 所以連 blog 都出得慢 d .....

今日約左我既 wedding planner 出去傾下我既 rundown .... 其實之前自己都有個大概 , 只係時間上未知點安排好 , 所以今次出黎就係傾呢樣野啦 ~~~~

傾到大約 11:30pm 先走人 , 終於傾好左上半 part , 即係由朝早去到入席既時間 , 至於之後既就要約返我地既 MC 傾 .......

初步結果 , 姊妹們係要 7:30am 黎到我屋企 standby 架 ~~~~ 希望姊妹們到時會知醒唔會睡過頭啦 ~~~~

過大禮

好耐都未試過星期日咁早起身啦 , 之後去左觀塘飲茶 , 飲完拎埋西餅就返去等未來老公佢地過黎過大禮 ......

原本話係得未來老公 , 未來奶奶同埋 Winnie 嬸嬸三個過黎 , 但因為太多野 , 得佢地三個拎唔曬 , 最後仲要未來老爺同埋容伯出動埋齊齊 call van 仔過黎 ~~~

先黎未來老公 o個 邊既陣容 .....

 

再黎就係我呢邊既陣容 ... 由於聽人講話過大禮時準新娘係唔可以在場 , 所以我就入左房到坐 ~~~

 

無諗到買左咁多野 ..... 唔怪之得話三個拎唔曬啦 ~~

 

咁重要既時刻點可以少左四大長老既合照呢 ~~

 

未來老公當然要影埋一份啦 ~~

 

襯熱鬧既大人們 ~~

 

見你拎咁多野黎落訂 , 就應承住你先啦 ~~~

 

影完一大輪相就係到回禮既時候啦 , 每樣野回返一半就 ok 架啦 ~~

 

回完禮我就可以出返黎 lu ..... 盒曲奇四重奏係我前一日特登去買黎招呼大家架 ~~~

 

過完大禮就要過去啟業到食飯 ..... o係 我地過緊大禮既同時 , 大姑丈 , 娟姑姐 , 嬸嬸同埋群姑姐就 o係 到為我地預備左一餐超級豐富既晚餐 .... 辛苦曬啦 ~~~

 

劉生 , 你而家已經落左訂架啦 , 如果你敢撻訂既話 , 係唔單止賠雙倍訂架 ~~~~ 呵呵 ~~~

姊妹們既邀請 frame

除左伴娘既未送出之外 , 其他都送出曬啦 ..... 所以終於可以放出黎 .....

 

中間既邀請信係可以拎出黎然後換上照片 , 咁樣就可以變成相架架啦 ~~~~ 希望姊妹們都喜歡啦 ~~~

再黎姊妹裙

今日約埋最後一個姊妹去揀埋條姊妹裙 , 開頭諗住佢只係可以買 d 現成既 ....

但下午打去問婚期係 30/12 仲接唔接我生意 , 點知佢話無問題喎 !!!

但因為我之前都去過兩次 , 佢地實認得我 ..... 最後呢位姊妹話當佢有個朋友結婚返黎香港就咁同親人食飯 , 我只係陪佢黎揀裙 .....

就係咁 , 連之前一直擔心到瞓唔著覺既最後一條姊妹裙都攪掂埋 ..... yeah !!!!

拎帖 2

d 帖終於都印好啦 ~~~~ 拎到返屋企都即刻整緊 d 先 .....

 

真係唔好睇少條金繩呀 ..... 一整得鬆左少少都要拆出黎再整過 ...... 都唔知要整幾耐先整得曬 !!!!! 要俾心機呀 ~~~~

Book Binding@Amor

今日約左 Matty 齊齊去 Amor 到學整 book binding ..... 第一次學人玩 , 又幾好玩喎 !!!

首先揀左自己鍾意既顏色紙先 .... 淨係呢 part 都幾需時 .....

 

開始整啦 ...... 由於唔夠時間整 , 所以都無咩點影到相 !!!

 

整完又要揀絲帶 , 好多絲帶都好靚呀 !!!!

 

最後就要印下印仔 ......

 

因為唔夠時間整 , 所以睇住個半製成品先啦 ~~~~

 

好想去學整個 scrapbooking 黎放下我 d 婚紗相或者同朋友仔影既相呀 !!! 不過太貴啦 , 唔捨得呀 !!!

婚紗鞋

今日起身要出去金都到買埋 d 禮金大利是封呀 , 包羅萬有大利是封呀 .... 如果唔係咁趕住用 , 真係唔會去金都買呀 , 貴到死 ~~~~~~

見同未來老公一齊 , 就緊係順便去睇埋婚紗鞋啦 ...... 最後買左一對 4" 高既呢 ~~~~ 連自己著起都有 d 驚驚地 ....... 咁高既鞋平時真係唔好叫我著 .... 所以買對平平地既算啦 , 反正都係著一日 ..... 之後都唔使指意我會再拎黎著 ..... 應該話打死都唔會再著先岩呀 !!!!

龍鳳餅 + 海味

今日收工過左會展到買埋龍鳳餅同埋兩盒金緣喜 ....

見反正都要入去會展 , 所以順便幫麥田手 ...... 今次佢地個老闆仲黎埋添 ...... 不過可惜我 d 相仲未有得拎呀 !!!!

之後過左去荃灣到同埋未來奶奶一齊去睇下 d 海味 , 最後買左個過大禮套裝 ..... 仲要包埋椰子添 ......

又攪掂一樣 ..... 下個星期就過大禮啦 ~~~~ 但仲有好多野未預備 .....

今日據聞未來老公個六姨買左樣野俾我 ...... 我同未來老公都估係鑽石呢 ~~~~~ 多謝六姨 !!!!

繼續姊妹裙

今日又要再去攪姊妹裙 , 今日係同阿 moon 去 , 好彩佢話今日無問題咋 .... 仲有好彩我阿妹又俾到 size 我 .....

所以今日又攪掂多兩條 ....... 而家仲差一條咋 .... 但呢個姊妹要成下個星期三先返到黎香港 ....

我今次都有問話最後 o個 條可唔可以遲少少俾我 , 佢都唔肯 ...... 之後再問佢 , 我有個 friend 2 jan 結婚 (即係我 o個 日) , 佢都搵緊姊妹裙 , 問佢地仲接唔接 .... 但佢地都話要呢幾日黎試先會接 ...... 真係無奈 !!!! 點攪好呀 ??????

姊妹裙

今日放工只係約到阿韻同玉兒兩個姊妹去試姊妹裙咋 .....

原本我係想條姊妹裙係白色底襯紫色腰帶 , 但同我個 backdrop 撞曬色 , 所以最後都轉左做果綠色 ...... 都好靚 .....

之前已經托左個 blogger 訂兄弟呔 , 但而家臨時轉左第二隻色既姊妹裙 ..... 所以即刻打俾 nat nat 叫佢幫我留言 hold 住 d 呔先 .... 之後 nat nat 話我知訂姊妹裙時記得同佢講早 d 個婚期 ....

所以當兩個姊妹揀好左之後 , 我都同間野講我個婚期係 24/12 (講早左一個星期呢 ...) , 然後再話佢知 , 但我仲有兩個姊妹同一個伴娘要下星期先去到試衫 ..... 但佢地話下星期太遲啦 , 唔肯接我生意 ....... 點算好呀 !!!! 好擔心呀 !!!!!!

之後去左 apple green 到食飯 ..... 多謝玉兒請我食飯 !!! 仲有多謝你既手信 ~~~~

倒數 2 個月 ~~

最後兩個月 , 時間真係快到無人有 ...... 而且好似仲有好多野都未攪咁 ...... 好緊張呀 !!!!! 睇黎真係要開下 turbo 先得啦 ~~~

日期:	2011 年 1 月 2 日 (星期日)
註冊地點:	紅磡海韻軒海景酒店天澄閣 (宴會廳)
註冊時間:	晚上 8 時 30 分
婚宴地點:	紅磡海韻軒海景酒店天澄閣 (宴會廳)
婚宴時間:	晚上 8 時
主要項目
過大禮日期:	2010 年 11 月 14 日
過大禮吉時:	未定
上頭日期:	2011 年 1 月 1 日
上頭吉時:	未定
出門地點:	女方家
出門吉時:	未定
入門地點:	男方家
入門吉時:	未定
回門日期:	2011 年 1 月 2 日
回門吉時:	未定
伴郎:	紹忠
伴娘:	嘉雯
兄弟團:	1.)    Panda
	2.)   阿誠
	3.)   韓明
	4.)   Sam
姊妹團:	1.)   Carrot
	2.)   Sendy
	3.)   Vikki
	4.)   Moon
Wedding Planner:	Vera
婚紗相:	1.)   法國婚紗攝影 (已收)
	2.)   麥田映像 (已揀相)
	3.)   麥田映像 (已揀相)
婚禮攝影 + 攝錄 + Snap Shot:	Gary Mak
業餘攝影:	Kitvix Tsang
結婚戒指:	已買
新娘化妝:	Wing Yip
伴娘化妝:	Wing Yip
媽咪奶奶化妝:	Wing Yip
姊妹化妝:	Esther Chan
新娘花球:	未搵
主婚人襟花:	未搵
襟花 / 手花:	未搵
囍帖:	酒店提供 , 現等昌記印
囍帖貼紙:	已買
餅咭:	奇華已買 , 美心已買
花車:	Royal Classic Wedding Limited – 古董MG
Wedding Logo:	已整
Wedding Theme:	已定
婚前檢查:	已 join , 但未知幾時做
婚後居所:	已搵
蜜月旅行地點:	暫定歐洲
服飾類
裙褂:	鴻運繡莊
婚紗:	Janny Wong
晚裝:	Janny Wong
男裝恤衫:	VA Fashion
男裝禮服:	VA Fashion
伴郎西裝:	未搵
伴娘裙:	未搵
兄弟呔:	未搵
姊妹裙:	未搵
新睡衣:	(女) 鴻運綉莊送 , (男) 未買
Girdle / Nu Bra:	已買
束褲:	未買
男家衫:           老爺:	已買
奶奶:	In Wedding
女家衫:          爹 o地:	未搵
媽咪:	In Wedding
褂鞋:	未買
婚紗晚裝鞋:	未買
新郎禮服鞋:	已買
首飾:	已買了一些
金器:	已買了一些
頭紗 / 手套:	Janny 包
儀式用品類
過大禮用品:	未買
上頭用品:	未買
敬茶茶具:	未買
利是封 & 囍字貼:	未買
利是錢:	已 “唱”
紅傘:	未買
其他雜項用品:	未買
花車佈置:	未定
結婚公仔:	已訂 , 但未收貨
Cushion:	未買
龍鳳被:	未買
回門乳豬:	已買
接新娘遊戲:	未定
註冊及晚宴項目類
律師證婚:	廖成利律師
擬結婚通知書:	未整
場地佈置:	Sans Deco – Sandy (已落訂 , 但未決定點整)
片頭製作:	未整
婚宴音樂:	未搵
嘉賓題名冊:	未整
戒指枕:	未搵
羽毛筆:	未搵
結婚證書套:	未搵
婚宴司儀:	Jack Creation - Flora
婚宴蛋糕:	酒店提供
席前小食:	已訂了一些
酒類飲品:	未來老公既六姨 sponsor
檯號牌:	未整
Menu 牌:	未整
簽名筆:	未搵
回禮小禮物:	未搵
賓客邀請名單:	未整
賓客坐位表:	未整
全日流程:	未整

我的場地佈置

未來老公開始返夜啦 , 所以今日只係得我一個同 Sandy 傾場地佈置 .....

終於都決定左要用咩顏色黎做 backdrop 啦 .... 希望到時會好靚啦 !!!!

最擔心都係個 backdrop , 反而其他地方就一 d 都唔擔心 ~~~