經過一排既觀察後 , 終於都決定左搵邊幾個化妝師啦 ..... 因為試妝費都唔平 , 所以都唔係咁想搵咁多個 .... 只係搵左三個 ...
1.) Mandy , 三個之中最平 , 但都比上年貴左成千蚊 !!
2.) Fiona Fi, 唔算平 ... 但都可以試下 !!
3.) 阿 Wing , 三個之中最貴 , 但見 blog 友大寶小寶結婚當日個妝真係好靚 , 所以都好想試下 !!
新年後就會開始約時間試妝啦 ... 姊妹們 , 預備好未呀 ??
2010年1月22日星期五
2010年1月9日星期六
第二輯婚紗相 - Day 2
由於改左今日先去石門到影相 , 所以又係要 6:15am 就起身 ....
出發前同未來老公影返 d 合照先 ... 不過可惜部相機無電 , 所以今日再影唔到 d 花絮 lu ....
原來今日有另外一 pair 情侶一齊去石門架 , 咁樣油費就可以 share 啦 ....
不過呢 pair 情侶好過份呀 .... 遲左成個鐘先到 .... 攪到我地都要遲出發 ....
終於出發啦 .....
嘩 ... 好多人呀 !! 全部都係黎婚紗相架 !!!!
可能今日有 d 太陽 , 所以都唔算話好凍 ....
影完紅葉同梅花之後 , 到五點幾六點時就去埋最後既油菜花田啦 ... 不過油菜花田係最凍架 .... 佢地話只係得兩三度咋......
真係凍到想死 ..... 凍到都無曬心機 !!!
真係凍到想死 ..... 凍到都無曬心機 !!!
見第二 pair 未影完 , 所以就坐上車等先 , 未來老公見我咁凍 , 所以不停咁落車買野俾我食 , 買完 "蚊" 牛腩 , 又買牛丸 , 買完牛丸又買熱豆腐花 , 等我可以唔使咁凍 ....
因為遲左出發 , 所以變相都要遲 d 先走 , 返到去都要即刻落妝同埋等埋隻碟就即刻走人啦 , 因為仲要搭尾班火車返去深圳再轉火車返香港 ......
去到火車站附近見仲有 d 時間 , 所以去左康師傅私房牛肉面到食野 , 又幾好味架喎 !!!
差唔多一點先返到屋企 .... 真係超眼瞓同超攰 ......
2010年1月8日星期五
第二輯婚紗相 - Day 1
六點三就要起身 ... 真係眼瞓死人 .... 仲要咁凍 ....
好彩唔使化妝 , 所以好快就出得門口 ... 不過咁早都唔知邊到有早餐食 , 所以只係 o係 便利店到買左 d 包食 ... 一路行一路食 !!
去到個化妝師小萍都即刻幫我化妝 .... 小萍既化妝技巧真係唔錯 , 連未來老公都話覺得今次個妝靚過上次香港 o個 輯 ....
化好曬妝 , 準備出發去石門啦 .....
點知落到樓下 , 個攝影師話今日去石門既話好凍 (因為石門係 o係 山上架) , 而且今日應該會落雨 , 如果聽日先去石門會好 d 喎 !! 所以又要返上去換過套衫同 set 過個頭 ....
出發去百萬葵園啦 .... 成個百萬葵園除左 d 工作人員同埋我地幾個之外就無其他人啦 !!! 正呀 !!
用自己既相機影左 d 花絮 .... 個頭 set 得好靚呀 , 係我最鍾意既一款黎架 !!!
影左一部份之後就開始落起 d 小雨 , 開頭都等左陣架 , 諗住等停雨時再繼續 , 但一路都無停過雨 .... 所以攝影師就話一影時就拎開把摭 .....
原本都覺得凍架啦 , 點知落雨仲要再凍 d .... 天氣報告話今日只係十一二度咋 ....
點解兩次影婚紗相時都會咁凍架 ....
返到去換返衫都去食飯 lu .... 今次決定周圍行下睇下有咩野食 ..... 但呢個未來老公好想食 pizza , 所以最後都去左 pizza hut 到食 .....
食完之係返酒店都即刻沖涼 , 因為改左聽日去石門影 , 所以又係要 7:30am 去到麥田 ....
2010年1月7日星期四
第二輯婚紗相之揀衫篇
原本 o係 聖誕節 o個 幾日既紅日上去廣州到影婚紗相 , 但因為天氣唔許可 , 所以改到 7/1 同 8/1 上去影 ... 請左三日假 ~~~
起身之後拖埋個行李去左未來老公屋企先 , 因為唔想拎兩個行李咁麻煩 , 所以上去將我 d 野放埋入去未來老公個行李到 ..... 然後就去食野 ....
出發啦 .... 因為第一次坐火車上廣州 , 所以真係幾擔心 .... 不過由深圳去廣州只係一個鐘頭 , 真係好快呢 .....
落左火車就即刻搵的士搭去麥田映像 ..... 8 蚊人仔 .... 抵呀 !!!
去到麥田 , 佢地俾左本相簿我揀衫先 .... 由於我個人鍾意絹多過紗 , 但佢地好多款都係紗 ... 所以真係唔多款揀 ....
佢見我揀左咁耐就叫我不如試左先 ..... 雖然未來老公都幫我影左 D 試衫相 , 但都係唔放出黎啦 ....
揀完衫就麻煩佢地帶我地去酒店 .... 間酒店叫 7 天連鎖酒店 , 雖然平 , 但都唔差 ... 可以接受 .....
放低行李就行返過去中森名菜到食 ... 之前聽人講過話好抵食 , 所以好想去試下呢 ... 點知坐低左之後就知死啦 .... 咁貴既 .......
最後埋單都要成四百幾蚊呀 !!! 好肉 "尺" 呀 !!! 俾人老點左添 ......
都係大漁抵食好多 , 150 蚊任食喎 !!! 唔知幾時再有機會去大漁到食呢 ????
食完野都返酒店沖涼瞓啦 , 因為聽日要成 7:30 am 去到麥田呀 ....
2010年1月6日星期三
2010年1月2日星期六
明年今日 ..... 進入倒數階段 !!!
嘩 .... 唔經唔覺就已經係進入倒數階段啦 !!! 明年今日我就會成為人地既太太啦 !!! 
其實之前 D 親戚都問我會幾時結婚 , 但眼見仲有咁耐 , 所以都無話佢地知住 ..... 但由今日起 , 佢地問我時 , 我都會話佢地知架啦 !!!
同二嫂母一齊行緊去港大時 , 佢真係講起 .... 都已經準備開口話佢知時 , 估唔到既係媽咪竟然搶住黎講 .... 哈哈 !! 
見開始進入倒數階段 , 就學人地整下個進度表先 !!
| 日期: |
2011 年 1 月 2 日 (星期日)
|
| 註冊地點: |
紅磡海韻軒海景酒店天澄閣 (宴會廳)
|
| 註冊時間: |
晚上 7 時 30 分
|
| 婚宴地點: | 紅磡海韻軒海景酒店天澄閣 (宴會廳) |
| 婚宴時間: | 晚上 8 時 |
| 主要項目 | |
| 過大禮日期: | 未定 |
| 過大禮吉時: | 未定 |
| 上頭日期: | 未定 |
| 上頭吉時: | 未定 |
| 出門地點: | 女方家 |
| 出門吉時: | 未定 |
| 入門地點: | 男方家 |
| 入門吉時: | 未定 |
| 回門日期: | 2011 年 1 月 2 日 |
| 回門吉時: | 未定 |
| 伴郎: | 紹忠 |
| 伴娘: | 嘉雯 |
| 兄弟團: | 未搵 |
| 姊妹團: | 1.) Carrot |
| 2.) Sendy | |
| 3.) Cecilia | |
| 4.) Vikki | |
| 婚紗相: | 1.) 法國婚紗攝影 (已揀相) |
| 2.) 麥田映像 (已影) | |
| 3.) 麥田映像 (應該復活節會影) | |
| 婚禮攝影 + 攝錄 + Snap Shot: | 純美新娘 - 小寶 (Snap Shot 未搵) |
| 業餘攝影: | Mandy Tse (女家) |
| 結婚戒指: | 未搵 |
| 新娘化妝: | 已經開始留意 |
| 伴娘化妝: | 已經開始留意 |
| 媽咪奶奶化妝: | 已經開始留意 |
| 姊妹化妝: | 已經開始留意 |
| 新娘花球: | 未搵 |
| 主婚人襟花: | 未搵 |
| 襟花 / 手花: | 未搵 |
| 囍帖: | 酒店提供 |
| 囍帖貼紙: | 未搵 |
| 餅咭: | 未買 |
| 花車: | 未搵 |
| Wedding Logo: | 未整 |
| Wedding Theme: | 未定 |
| 婚前檢查: | 未 join , 黎緊婚紗展應該會 join |
| 婚後居所: | 未定 (我都好想知 …) |
| 蜜月旅行地點: | 未定 |
| 服飾類 | |
| 裙褂: | 未搵 |
| 婚紗: | 已經開始留意 |
| 晚裝: | 已經開始留意 |
| 男裝恤衫: | 未搵 |
| 男裝禮服: | 未搵 |
| 伴郎西裝: | 未搵 |
| 伴娘裙: | 未搵 |
| 兄弟呔: | 未搵 |
| 姊妹裙: | 未搵 |
| 新睡衣: | 未買 |
| Girdle / Nu Bra: | 已買 |
| 束褲: | 未買 |
| 男家衫: 老爺: | 未搵 |
| 奶奶: | 未搵 |
| 女家衫: 爹 o地: | 未搵 |
| 媽咪: | 未搵 |
| 褂鞋: | 未買 |
| 婚紗晚裝鞋: | 未買 |
| 新郎禮服鞋: | 未買 |
| 首飾: | 未買 |
| 金器: | 未買 |
| 頭紗 / 手套: | 未買 |
| 儀式用品類 | |
| 過大禮用品: | 未買 |
| 上頭用品: | 未買 |
| 敬茶茶具: | 未買 |
| 利是封 & 囍字貼: | 未買 |
| 利是錢: | 未 “唱” |
| 紅傘: | 未買 |
| 其他雜項用品: | 未買 |
| 花車佈置: | 未定 |
| 結婚公仔: | 未定 |
| Cushion: | 未買 |
| 龍鳳被: | 未買 |
| 回門乳豬: | 未買 |
| 接新娘遊戲: | 未定 |
| 註冊及晚宴項目類 | |
| 律師證婚: | 未搵 |
| 擬結婚通知書: | 未整 |
| 場地佈置: | Sans Deco – Sandy (已落訂 , 但未決定點整) |
| 片頭製作: | 未整 |
| 婚宴音樂: | 未搵 |
| 嘉賓題名冊: | 未整 |
| 戒指枕: | 未搵 |
| 羽毛筆: | 未搵 |
| 結婚證書套: | 未搵 |
| 婚宴司儀: | Jack Creation - Flora |
| 婚宴蛋糕: | 酒店提供 |
| 席前小食: | 未定 |
| 酒類飲品: | 未定 |
| 檯號牌: | 未整 |
| Menu 牌: | 未整 |
| 簽名筆: | 未搵 |
| 回禮小禮物: | 未搵 |
| 賓客邀請名單: | 未整 |
| 賓客坐位表: | 未整 |
| 全日流程: | 未整 |
訂閱：
留言 (Atom)