半年啦 !!!

唔經唔覺 , 我戴左呢隻求婚介指半年啦 ....

時間真係過得好快 .... 到而家都仲好懷念當日所發生既事 .....

仲有三日就係進入倒數階段啦 .... 又興奮又緊張呢 !!!

婚禮攝錄

今日下午同幾個同事出左去 mega box 到飲茶當做節 ....

飲完茶返到公司無耐 , 老細就叫我地收三點半 .... yeah !!!

咁岩未來老公又有得放三點鐘 , 見咁早就出左去金都到睇下 d 婚禮攝錄 .... 主力都係睇純美新娘 , 不過見出開去就睇埋 amazing grace ..... 最後都決定用純美新娘 .... 又攪掂多樣野啦 !!!

之後同未來老公各自返屋企做節 ..... 去左食海鮮 ..... yeah !!! 好味呀 !!!

Wedding Planner ??

突然間諗緊使唔使請 wedding planner 呢 ??? 點解無啦啦會諗請唔請 wedding planner ???

係因為我尋日發左個夢 , 夢見自己既大日子竟然咩都未預備好 , 衫未租好 , 婚紗相又未有 , 帖又未派 , 姊妹團又未通知 ..... 樣樣都未 ok , 就已經要去到酒樓 , 由於帖都未派 , 又點會有人黎呢 ..... 我記得夢見自己同未來老公講我唔想結婚 , 佢問我點解 , 我話樣樣都未攪掂 , 衫都無件 , 人又無一個 , 點結呀 ????

之後就醒左啦 .... 醒左之後就緊係驚黎緊會做漏呢樣做漏 o個 樣 ..... 真係好驚會做唔足 .... 呢方面又唔在行喎 !!! 都唔知有無 d 細微野係我唔知 .... 又無人幫到我喎 !!!

第一輯婚紗相揀相啦

等左咁耐終於都等到呢一日啦 ..... 好緊張呀 !!!

上次影相我唔知醒 , 點知今日揀相就輪到未來老公唔知醒 ... 哈哈 !!!

o係 又一城食完野就行過去啦 ....

揀相都揀左三個幾鐘 .... package 包我地 25 張 , 最後揀多左廿幾張 ... 其實我仲諗住再唔要 d 相 , 不過未來老公話佢都預左呢個價錢 , 所以最後都無再 cut 相 lu ....

上網睇到好多 jm 話要拎相版喎 , 所以都問左佢地拎左相版 , 不過只係可以俾 5 張相版我地 , 仲要係無執過架 !! 不過都影得唔差 .... 哈哈 ~~~

** 唔知點解放左上黎之後 d 相既質數變差左 , 無咁靚添 !!! 哈哈 ~~