免費台北遊 - Day 2 (Part 2)

之後就返左酒店 , 六福皇宮酒店 , 好靚架 !!

然後就係自由時間啦 !!! 有團友都叫我地去食麻辣火鍋同埋落 d .... 雖然我都好想食麻辣火鍋 , 但就黎要影婚紗相啦 ... 所以都係要忍下口 ..... 至於落 d 啦喎 , 不嬲對呢方面都無興趣 , 所以最後都係推左 d 團友 ....

酒店附近有個夜市 , 導遊話如果肚餓可以去食下野 , 見時間仲早 , 咪行去睇下囉 , 點知都無野食既 , 所以同未來老公兩個齊齊搭的士去饒河街夜市到行 ....

燒粟米 , 麻麻地 !!



炭烤魷魚 .... 好好味 !!!



緊係好味啦 , 係賭神 "高進" 開架喎 !!! 哈哈 ~~



仲有緊係要食埋胡椒餅啦 !!! 不過因為掛住食唔記得左影相 !!!

免費台北遊 - Day 2 (Part 1)

食完早餐等齊人時見到酒店大堂外有個地方幾靚 , 所以叫未來老公坐低影返張先..



之後就出發去忠烈祠啦 .... d 士兵好厲害架 , 個導遊話佢地已經訓練到可以一個鐘頭都唔 "斬" 眼架 !!





之後再睇埋佢地步操 !!

導遊叫我地 d 女士一定要去廁所睇下 ..... 最初以為有 d 咩 , 點知 ..... 原來係經過個男廁時可以見到個男廁係無摭無掩架 .....

之後就帶左我地去珍珠養殖場同埋帶我地去買靈芝 .... 當然我地兩樣都無買啦 .... 只係買左一支蜂皇槳做成既洗面乳 (可以去死皮架 , 好好用呀 !!)

下午去左食蒙古燒烤 , 又幾好味架喎 !!

食飽飽就去左貔貅展覽館 , o個 到 d 職員免費幫我地睇姓名學 .... 佢地講我 d 性格又幾準喎 .... 而且最岩聽 o個 句就係話我同未來老公結婚之後會慢慢有錢喎 !!! 哈哈 ...

睇完姓名學就去左故宮博物館 .... 翠玉白菜真係好靚 .... 真係大開眼界呀 !!

呢對團友都係住係鳳德架 !!

導遊之後就帶我地去左西門町間港記酥皇店到買手信 ..... d 鳳梨酥又幾好味喎 !!

自由時間緊係要第一時去食阿宗麵線啦 , 當然仲要係叫碗大黎食啦 .... 好好味呀 !!!!

當然仲有蔥抓餅同珍珠奶茶啦 !!! 點可以錯過喎 !!

免費台北遊 - Day 1 (Part 2)

去完深坑豆腐街就返酒店啦 , 因為今日係住溫泉酒店 , 所以就會早 d 返酒店俾多 d 時間我地浸溫泉 ....

今次住既係水美溫泉會館 ... 但我同未來老公兩個都覺得上年住既春天溫泉酒店靚 d 同埋好 d , 因為呢間水美溫泉會館係無室外架 ..... 一 d 都唔好 !!

不過房間就唔錯 ....

d 洗面乳同身體乳好似 d 日本酒咁 , 好靚呀 !!



廁所內都有個溫泉浴缸架 ....

免費台北遊 - Day 1 (Part 1)

四點幾就要起身梳洗 .... 好眼瞓呀 !!!

之後落左樓下間麥當勞到食早餐 , 食食下有對情侶走左入黎同 d 職員傾計 , 原來佢地都係去台北喎 .... 仲要又係 7:30am o係機場到集合 ... 又會咁岩既 , 我仲問未來老公 , 會唔會係同一團呢 ???

七點幾去到機場 , 見有時間就攪埋個台証 .....

出發啦 !!!

我地既飛機餐 .....



到左台北桃園機場啦 !!! (之前 o係 麥當勞見到既情侶真係同我地同一團喎 !! )



首先去左九份 , 食左導遊介紹既醉雞 , 魯肉飯同埋綜合魚丸湯 .....

之後就周圍行下影下相食下野咁 ...

燒翡翠螺 , 不過好多沙 ....

幾大隻菇 ....



芋圓薑汁豆腐花 , 都係導遊介紹架 .... 都幾好味喎!!




之後導遊就帶左我地去碧沙漁港到買魚生食啦 ~~



我地只係買左希靈魚咋 , 有 d 後悔買咁少添 .....



等緊其他團友買魚生時 , 見到隔離舖既蝦好大隻呀 , 仲要大隻過我隻手架 !!!



之後就出發去深坑豆腐街啦 .... 上年去左陳家豆腐到食既麻辣臭豆腐真係好味到今次又點會放過呢 ..... 好好味呀 !!!

法國婚紗試衫

今日終於都去左試衫啦 ... 我諗我都試左廿幾件有多 .... 哈哈 ... 個 sales 叫 emma , 佢都幾好人幾 nice 架 .... 攪到佢遲左收工 , 佢都仲好好笑容 .... 不過可能我地一走左 , 佢就 o係 到鬧我架啦 , 哈哈 !!!

揀左兩件婚紗一件晚裝 .... 試第二件婚紗時 , 我同 vikki 都好鍾意呢 .... 之後試左咁多件 , 我同 vikki 都覺得無一件及得上 o個 件 .... 連個 sales 都問我係唔係仍然最鍾意第二件呢 .... 哈哈 ....

至於晚裝 , 我之前上網揀左好多綠色架 ...... 但 sendy 同 vikki 都唔係咁鍾意 .... 最後所有綠色全部 out 曬 .....

唔知到時未來老公見到會唔會有叮一聲呢 ??? 哈哈哈 !!!

第二輯婚紗相既花球 + 買 girdle

尋日買左本 wedding 雜誌睇 , 睇到有張 $100 一個絲花花球既 coupon .... 咁平 .... 所以今朝打左去問有無款揀 , 放左工見仲有時間就出左去尖沙咀到睇下岩唔岩 .... 個老闆娘見我好似揀唔到 , 就問我想要咩款 , 於是佢就特登幫我改一改 , 雖然整完之後我都係覺得唔係咁夠紫色 , 但見佢咁好人特登幫我整 , 又見個花球都幾靚 , 所以最後都係買左 .... $100 好抵呀 !!

之後就出去銅鑼灣到搵埋 Sendy 一齊去買 girdle , Sendy 第一間帶左我去總統到買 , 佢帶我去時 , 我完全無留意過佢帶左我去邊 , 去到見咁多人都驚一驚 .... 後來先知呢間係總統 , 之前上網睇過 d 人都話呢間野 d 人串架啦 ..... 佢俾我張籌係 101 號 , 但佢地只係叫到 15 號 .... 嘩唔係呀 .... 咁咪有排等 ???? 之後 Sendy 帶左我去 SATAMI 到買 , 去到無人 , 而且環境又好好多 , 最緊要係服務態度好 (呢樣係我個人覺得最緊要架 , 因為我俾得錢出黎無理由仲要我受氣架麻) , 再加上我覺得著左個 girdle 上身都好舒服 ... 而且最緊要就係令到我個身材好左好多添 .... 哈哈

買完就同 Sendy 一齊搵野食 .... 原來搵食都咁艱難架 .... 可能係我麻煩啦 , 夜晚唔要食茶餐廳 , 又唔可以食 d 熱氣野 ... 攪到 Sendy 要陪我周圍行去搵食 ....

所以真係要特別 o係 呢到多謝 Sendy 今日陪左我 .... thank you very much !!!