四大長老第一次見面 + 落訂

好緊張呀 !!! 今日約齊四大長老去飲茶等佢地見下面 , 其實係未來奶奶想早 D 見面 .... 唔知佢地到時會唔會無野講呢 !!!

daddy 好心急呀 !!! 佢驚唔知點渣車過去 , 所以十二點就出左門口 .... 未來老公話未來奶奶都好心急 , 攪到佢地要搭的士去 .....

好彩佢地都有傾有講 .... 連四大長老都好鍾意個場 .... 真係放心曬 !!!

之後搵埋個經理傾埋落訂 d 野 , 就係咁樣 , 我地為我地既婚禮用左第一筆錢啦 !!!

落左訂之後個心真係定好多同踏實左好多 , 因為一日唔落訂都唔可以做其他野 ..... 而家其他野都可以慢慢搵下資料啦 !!!

求婚介子

補返隻求婚介子 d 相先 ~~

提親篇

今日放工之後約埋老公仔 , daddy & mammy 一齊去左寶琳間客家好棧到食飯 , 準備向我 daddy mammy 提親 ~~

食完飯 , 見到老公仔好緊張 .... 攪到我忍唔到笑 ....

其實之前真係連我自己都好緊張 , 因為唔知 daddy mammy 會俾 d 咩反應 , 如果佢地無反應都唔知點算好 ....

估唔到佢地聽完既反應係 , daddy 竟然眼濕濕 ..... mammy 就好開心咁不停係咁 o係 到笑 , 笑到飲水 "濁" 親 , 又笑到倒瀉水 .....

daddy 跟住就問諗住幾時 , 答左佢出年年尾 , 但唔知 mammy 佢係唔係自己係到樂在其中 o係 到笑 , 竟然聽唔到我地話幾時結婚 , 佢又再問多次 .... daddy 就話多次俾佢聽 , 佢聽完又 o係 到笑 .... 問佢笑咩 , 佢竟然話咁遲既 ????

跟住 daddy 又問我地諗住住邊到 .... mammy 聽到我地話諗住租住先再買樓 , 佢就話 daddy 仲以為你地裝修間屋 (鳳德) 係諗住結婚住 .... 咁即係佢地都諗住我地就黎結婚啦 .....

同佢地講完之後真係鬆左一口氣 .... 而家仲有就係要再搵日同 uncle anutie 講 ....